Vaj bajameje 50 mL

Vaji i bajames, përdoret gjerësisht në formulimet kozmetike dhe dermatologjike për shkak të përbërjes së tij të pasur me komponime bioaktive, përfshirë vitaminën E, acide yndyrore dhe antioksidantë. Ai gjendet kryesisht në dy forma: vaji i bajames së ëmbël dhe ai i  bajames së hidhur; vaji i bajames së ëmbël përdoret më së shumti në kujdesin e lëkurës për shkak të sigurisë dhe vetive të tij të dobishme.
Në pikëpamjen dermatologjike, vaji i bajames vlerësohet për vetitë e tij si emolient dhe vetitë e tij hidratuese. Si emollient, përmirëson funksionin e barrierës së lëkurës duke mbushur hapësirat mes qelizave të lëkurës, rrjedhimisht redukton humbjen e ujit transdermal dhe kështu e mban lëkurën të hidratuar. Kjo e bënë këtë vaj efektiv në trajtimin e ekzemës, dermatitit apo kserozës [1]. Ky vaj njihet edhe për vetitë e tij anti-inflamatore dhe qetësuese, ca mundëson përdorimin e tij për të reduktuar irritimet dhe të enjturat. Vaji i bajames në disa raste ka ndihmuar në menaxhimin e akneve me anë të vetive të tij antibakteriale dhe antifungale, mirëpo në lëkurat me tendencë akneike, duhet të përdoret me shumë kujdes [2]. Vaji i bajames, si burim i vitaminës E, që tregon aktivitet të lartë antioksidues, mbron lëkurën nga stresi oksidativ dhe dëmet nga rrezet UV [3]. Studimet tregojnë se ky vaj redukton plakjen nga rrezet UVB, duke limituar dëmet në strukturën e lëkurës dhe duke penguar proceset oksidative në lëkurë [4].

Vetëm për përdorim të jashtëm!